fbpx
8.7 C
New Zealand
Tuesday, May 24, 2022
spot_img

නවසීලන්ත මවුරි ජන කතා – අපට ලැබුණු පොතක්

Must read

ශ්‍රීLankaNZhttps://www.srilankanz.co.nz
ශ්‍රී LankaNZ is a free distributed Sri Lankan Community Newspaper that aims to reach a Sri Lankan population of over 18,000 all over New Zealand. The demand for entertainment in literacy media itself gave birth to ශ්‍රී LankaNZ

සාහිත්‍ය රත්න සම්මානලාභී ආචාර්ය ඩබ්ලිව්.ඒ. අබේසිංහයන්ගේ
300 වන කෘතිය ලෙස මවුරි ජනකතා කෘතිය එලි දැක්වේ.

(සුමුද්‍ර ප්‍රකාශන සමාගමේ කළමනාකරණ අධ්‍යක්ෂ කේ.කේ.පී.ද සිල්වා මහතා, කළමනාකරණ අධ්‍යක්ෂිකා සමුද්‍රිකා ද සිල්වා මහත්මිය, කළමනාකාර ගයාන් මහතා විසින් අදාළ සමරුව අබේසිංහයන්ට ප්‍රධානය කරන අවස්ථාව හා මවුරි ජනකතා කෘතිය ඡායාරූපයේ දැක්වේ.)

ආචාර්ය ඩබ්ලිව්.ඒ. අබේසිංහයන් පසුගියදා පැවති 2020 රාජ්‍ය සාහිත්‍ය සම්මාන උළෙලේ දී සාහිත්‍ය රත්න අභිධානයෙන් හා හොදම පරිවර්තන නවකතාව සඳහා වූ රාජ්‍ය සාහිත්‍ය සම්මානයෙන් පිදුම් ලැබීම ඇගයීමට වයඹ පළාතේ ලේඛක එකමුතුව සමූද්‍ර ප්‍රකාශක සමාගමේ අනුග්‍රහයෙන් පසුගියදා කුරුණෑගල බ්ලූ ස්කයි හෝටලයේදී උපහාර උත්සවයක් සංවිධානය කර තිබුණි.

එම අවස්ථාවේ දී සමුද්‍ර ප්‍රකාශන ආයතනය වයඹ ලේඛක එකමුතුව හා එක්ව වයඹ පළාතෙන් බිහි වූ සාහිත්‍යකරුවකු ලෙස එතුමන් සිංහල සාහිත්‍යයට සිදු කළ මෙහෙවර අගයමින් අබේසිංහයන් වයඹ ප්‍රඥයා අභිධානයෙන් ද සම්භාවනාවට පාත්‍ර කළේය.

මෙම අවස්ථාවේ දී ආචාර්ය අබේසිංහයන්ගේ 300 වන කෘතිය ලෙස නවසීලන්ත මවුරි ජනකතා කෘතිය එලි දැක්වීම ද සිදුවිය. 2019 දෙසැම්බර් සිට 2020 මාර්තු දක්වා නවසීලන්තයේ ගත කළ කාලය තුළ, එතුමන්ට කියවන්නට ලැබුණු පොතපත ඇසුරින් මෙවැනි කෘතියක් බිහි වූ බැව් හා කෘතිය පිළිබඳව හැඳින්වීමක් එම කෘතියේ පෙරවදනෙහි මෙසේ සඳහන්ව ඇත.

‘නවසීලන්තයේ ගත වුණු මාස තුනකට ආසන්න කාලය තුළ මට කියවන්ට ලැබුණු විවිධ පොතපත අතර, මේ අතිසුන්දර ද්විත්ව – දීපයෙහි වෙසෙන ආදිවාසීන් වන මවුරි ජාතිකයින්ගේ අපූරු ජනකතා සංඛ්‍යාවක්ද විය. 

නමට ආදිවාසීනැයි කියතුදු, මෙම ජන සමූහය නවසීලන්තයෙහි වෙසෙන ඉංග්‍රීසි බහුතරය සමඟ උරෙනුර ගැටෙමින්, එකී සමාජයට බද්ධ ජන කොටසක් සේ ජීවත්වනු ද දක්නට ලැබෙයි. ඇත්ත වශයෙන්ම, පොදු නවසීලන්ත ජනතාව සතු එකම ජන සාහිත්‍යය අයිති වන්නේ, මෙකී මවුරි ජාතිකයන්ටය. ඔවුහු ද ස්වදේශිකයෝ නොවෙති. ඔවුන් ද නවසීලන්ත දූපත් දෙකට සංක්‍රමණය වී ඇත්තේ, ඊට පහළින් පිහිටා ඇති පැසිපික් දූපත් ගොන්නෙනි. ඉතාම කෙටි ඉතිහාසයක් ඇති ‘කිවියන්ට’ හෙවත් නවසීලන්තයට සංක්‍රමණය වුණු ඉංග්‍රීසි ජාතිකයින්ට, ජන සාහිත්‍යයකට උරුමකම් කියන්ට නොලැබීම තේරුම්ගැනීමට අසීරු කරුණක් නොවේය. මන්ද යත්, ඔවුන්ගේ ඉතිහාසය, ඒ තරමටම කෙටි වන හෙයිනි.

අපගේ සිංහල ජනකතාත් ලෝකයේ බොහෝ රටවල ජනකතාත් සමවායෙන් ගෙන සසඳා බලන කල්හි, නවසීලන්තයේ වෙසෙන මවුරි ජාතිකයින්ගේ ජනකතාවන්හි අපට නුහුරු කිසියම් අමුත්තක් ඇති වග, එක පැහැරම පෙනී යනු ඇත්තේය. මේ කතා සිංහල බසට පෙළගස්වන්ට මා පෙළඹුණේ, එකී අමුත්ත නිසාය. මෙම කතාවල සැඟවී ඇති ගුරු අරුත ගැඹුරු ලෙස මෙනෙහි කරන කල්හි, ආදිකාලීන මවුරි ජනතාවගේ ජීවිත පරිඥානයත් ලෝක දැක්මත් විස්මයජනක බැව්, අපට කිසිසේත්ම බැහැර කරන්ට බැරිය. 

මවුරි ජාතිකයන් ගැන මඳ හැඟීමකුදු නැති අප පාඨකයින්ගේ විශේෂ අවධානයට ලක්විය යුතු කරුණු බිඳක් හෙළි කරනු රිසියෙන් ලියන ලද කෙටි රචනයක්ද, මෙම පොතට මම ඇතුළත් කෙළෙමි.’ 

ප්‍රථම වරට මවුරි ජනකතා සිංහලට පරිවර්තනය වී ඇති මෙම සුවිශේෂී අවස්ථාවේ දී ශ්‍රීලංකන්ස්  පුවත්පතේ ඉල්ලීමකට අනුව අප හට ද එම මවුරි ජනකතා කියවීමට අවස්ථාවක් ලබාදීමට එකගත්වය ඵල කිරීම පිළිබඳ විශේෂ ස්තූතිය ආචාර්ය අබේසිංහයන්ට හා සමුද්‍ර ප්‍රකාශන සමාගමට හිමිවන අතර ශ්‍රීලංකන්ස් මීළග කලාපයේ  සිට මවුරි ජනකතාව බැගින් කියවීමට ඔබට අවස්ථාව හිමිවනු ඇත.

Facebook Comments Box

ශ්‍රීLankaNZ සමාජ සත්කාරය අඛණ්ඩවම පාඨකයන් වෙත රැගෙන එන්නට ඔබගේ කාරුණික දායකත්වය අත්‍යාවශ්‍යමය. එය ස්වෙච්ඡා සේවක කණ්ඩායමට මෙන්ම පුවත්පතට ලිපි සපයන සම්පත් දායකයින්ට ද ඉමහත් ධෛර්යයක්වනු ඇත. ශ්‍රී ලන්කන්ස් පුවත්පතේ ඉදිරි ගමනට අත දෙන්න.

BECOME A SUPPORTER
- Advertisement -spot_img

More articles

- Advertisement -spot_img
spot_img

Latest article

Consider a contribution…

ශ්‍රී LankaNZ(ශ්‍රී ලංකන්ස්) is a free distributed Sri Lankan Community Newspaper that aims to reach a Sri Lankan population all over New Zealand. If you would like to appreciate our commitment, please consider a contribution.