fbpx
8.6 C
New Zealand
Tuesday, June 28, 2022

The Only Sri Lankan Community Newspaper in New Zealand

‘ප්‍රතිමාවී’ ග්‍රන්ථය එළිදැක්වූ දා | මලිත් චතුරංග සමරසිංහ – Auckland

Must read

ශ්‍රීLankaNZhttps://www.srilankanz.co.nz
ශ්‍රී LankaNZ is a free distributed Sri Lankan Community Newspaper that aims to reach a Sri Lankan population of over 18,000 all over New Zealand. The demand for entertainment in literacy media itself gave birth to ශ්‍රී LankaNZ

නවසීලන්තයේ ඕක්ලන්ඩ් නුවර වාසය කරන ලේඛිකාවක් හා ගේය පද රචිකාවියක් වන රමණි රුක්ලාන්ති මහත්මියගේ අළුත්ම නවකථාව ‘ප්‍රතිමාවී’ නමින් පසුගිය මැයි මස 01 වන දින Ellerslie war memorial ශාලාවේ දී ඉතාමත් උත්සවාකාරයෙන් ජනගත කෙරුණේ නවසීලන්ත වාසී ශ්‍රී ලාංකික කලාකාමී පිරිසකගේ සහාභාගීත්වයෙනි. මෙහි මුල් පිටපත ඇය පිළිගැන්වූයේ ඇගේ සෙනෙහෙබර සැමියා වන ඇන්ටන් පෙරේරා මහතා වෙතටයි. 

ඊට සමගාමීව රමණි රුක්ලාන්ති මහත්මිය විසින් මින් පෙර රචනා කරන ලද “සිරිල් තාත්තාට දියණියක්ව” කෘතිය හා “සන්ධ්‍යාවේ අරුණෝදය” නම් කාව්‍ය සංග්‍රහය ද මෙදින පාඨකයා අතට පත් වූ අතර එතුමිය විසින් 2013 වසරේ දී රචනා කරන ලද ‘ප්‍රේමාන්විතය’ නම් ගී සංකල්පනා 60ක එකතුව සමගින් නිකුත් කළ සංයුක්ත තැටියේ අඩංගු ගීත අතරින් කිහිපයක් ද එදින රැස්ව සිටි පිරිසගේ වින්දනය වෙනුවෙන් ඉදිරිපත් කිරීමත් එම සන්ධ්‍යාවේ වර්ණවත් බව ඉහළ නැංවීමට ඉවහල් විය. අර්ථවත් අපූරු පදවලට මුසු වූ සංගීතය ද අසන්නාට රසවත් වූවාසේම මනරම් නර්තනයෙන් උත්සව සභාව තවතවත් ආලෝකමත් විය.

මෙම ග්‍රන්ථය එළිදැක්වීමේ උත්සවයට සහභාගි වූ ප්‍රවීණ ගීත රචක ප්‍රියානන්ද විජේසුන්දර, ලේඛක නිරංජන් හේරත් හා ආචාර්ය ඈන් පෙරේරා යන මහත්ම මහත්මීන් දේශන පැවැත්වූහ. පැරණි කලාව මෙන්ම නූතන කලාව ගැනද ප්‍රියානන්ද විජේසුන්දර මහතා දේශනයක් පැවැත්වීය. ඇත්තෙන්ම එය නූතන පරම්පරාවට වැදගත් දේශනයකි. අනාගත පරම්පරාව කලාව හුදකලාවක්  කර නොගත යුතු බව එතුමාගේ දේශනයෙන් පැහැදිලිව කියාපායි. 

රමණි රුක්ලාන්ති මහත්මියගේ උතුම් අදහසකට අනුව නවසීලන්තයේ වෙසෙන ශ්‍රී ලාංකික ලේඛක ලේඛිකාවන්ට පෙර සඳහන් කළ ග්‍රන්ථ ත්‍රිත්වයම උපහාර වශයෙන් පිරිනැමීම අතිශය ගෞරවණීය කටයුත්තක් බව මෙහිලා විශේෂයෙන් සඳහන් කළ යුතුය. උත්සව සභාව අවසානයේ දී පැමිණ සිටි සියල්ලන්හටම එකී පොත් ත්‍රිත්වය නොමිලේම ලබා දෙන ලදී. 

මලිත් චතුරංග සමරසිංහ – Auckland

Facebook Comments Box

ශ්‍රීLankaNZ සමාජ සත්කාරය අඛණ්ඩවම පාඨකයන් වෙත රැගෙන එන්නට ඔබගේ කාරුණික දායකත්වය අත්‍යාවශ්‍යමය. එය ස්වෙච්ඡා සේවක කණ්ඩායමට මෙන්ම පුවත්පතට ලිපි සපයන සම්පත් දායකයින්ට ද ඉමහත් ධෛර්යයක්වනු ඇත. ශ්‍රී ලන්කන්ස් පුවත්පතේ ඉදිරි ගමනට අත දෙන්න.

BECOME A SUPPORTER
- Advertisement -spot_img

More articles

- Advertisement -spot_img
spot_img

Latest article

Consider a contribution…

ශ්‍රී LankaNZ(ශ්‍රී ලංකන්ස්) is a free distributed Sri Lankan Community Newspaper that aims to reach a Sri Lankan population all over New Zealand. If you would like to appreciate our commitment, please consider a contribution.