ඕක්ලන්ඩ් හි ‘ඩාන්සින් ඒන්ජල්ස් ‘ දොරති වින්ස්ටන් රංග ශාලාවේ, 2025 මාර්තු අටවෙනිදා ‘ Journey to the Heaven’ නමින් ඉදිරිපත් කිරීමට සූදානම් කර ඇති ප්‍රසංගයේ ඉසව් කිහිපයක් මේ සමග පළවේ.
‘අපේ දේශීය නර්තන සම්ප්‍රදායන් සහ අනෙකුත් පිළිගත් නර්තන සම්ප්‍රදායන් අනුසාරයෙන්, ඔබ මෙතෙක් නොවිඳි ආකාරයේ අපූර්වතම නර්තනාංග රාශියක් ඕගොල්ලන්ට මෙම ප්‍රසංගයේදී දැකගන්නට, අත්විඳින්නට පුළුවන් වෙයි.’ ප්‍රදර්ශනය පුහුණූ කර ඉදිරිපත් කරන නදී ප්‍රියදර්ශනී මහත්මිය පවසයි.
මීට දූදරුවන් හා වැඩිහිටි වැඩිශීල්පීන් 60 පමණ වසරකට වැඩි කාලයක් පුහුණ වී ඇත.
‘අපේ කම රස වින්දනයත් සමග ඇති කිරීම, මව්රටින් එපිට නවසීලන්තයේ වෙසෙන අපේ අනාගත පරපුර වන දරු දැරියන්ට සහ එම දෙමාපියන්ට, අපගේ සාම්ප්‍රදායික නර්තනයේ වටිනාකම අමතක නොවෙන්ටත්, එම සාම්ප්‍රදායික නර්තනයන්හි මූලික අංගහාර රැකගෙන ඔවුනට විරල අපේ ශ්‍රී ලාංකික සාම්ප්‍රදායික නර්තනය දැකබලා ගැනීමටත්, අනෙකුත් නර්තන ශෛලීන් අතරින් අපගේ සාම්ප්‍රදායික නර්තනයේ වටිනාකම මනාව පැහැදිලි කර දීමත් ප්‍රධාන අරමුණයි.’ කියන ප්‍රිය දර්ශනී;
‘ඉතින් අපි හැමෝම එක එක පන්ති කරගෙන ගියාට, අපි හැමෝම හදාරන්නේ ලස්සන කලාවක්. ඉතින් ඇවිල්ලා අපේ නිර්මාණත් බලලා යන්න එන්න කියලා හැමෝටම ආදරයෙන් ආරාධනා කරනවා,’ යි කියමින් ඉල්ලීමක්ද කරයි.
ශ්‍රී ලංකන්ස් අපගේ සුබ පැතුම් මේ සමග එක් කරමු.
