ඊයේ නවසීලන්ත අග්රාමාත්ය Jacinda Ardern නිවේදනය කළේ නවසීලන්තය යුක්රේනයට අමතර සහයෝගයක් ලබා දෙන බවයි.
යුක්රේනයට මේ වන විට පවතින ගැටුම්කාරිත්වය සමනය කිරිමට මිලිටරි සහය, ප්රවාහන සහ බෙදා හැරීම කටයුතු සදහා උපකාර ඉක්මනින් අවශ්ය වන බවයි වාර්තා වී තිබුණේ.
යුක්රේනයේ පවතින යුධමය තත්ත්වය පාලනය කිරිමට දක්වන සහයෝගයක් ලෙස නවසීලන්ත රජය :
• බදාදා දින පුද්ගලයින් 50 දෙනෙකු සමඟ C-130 හර්කියුලිස් (C-130 Hercules)යානය යුරෝපයට යොදවන්නත්
• ජර්මනිය පදනම් කරගත් තවත් සැපයුම් විශේෂඥයින් අට දෙනෙකු යොදවන්නත්
• යුක්රේන හමුදාව සඳහා උපකරණ ලබා ගැනීම සඳහා එක්සත් රාජධානිය වෙත අතිරේක ඩොලර් මිලියන 13 ක ආධාරයක් ලබා දෙන්නත්
කටයුතු සලසා ඇත.
“ගෝලීය ස්ථාවරත්වය සඳහා යුරෝපා කලාපයේ සාමය අත්යවශ්ය බැවින් රුසියානු ආක්රමණ මැඩපැවැත් වීම සඳහා යුක්රේන හමුදාවට සහාය වීම අපගේ අරමුණයි,” Jacinda Ardern පැවසුවාය.
නවසීලන්තය විසින් මෑත ඉතිහාසයේ ජාත්යන්තර අර්බුදයකට දැක්වූ මෙම සහයෝගය සැලකිය යුතු තවත් පියවරක් බව සඳහන් විය.
සම්පුර්ණ මාධ්ය සාකච්ඡාව පහතින්…