ශ්රී ලංකාවේ දැනට පවතින පෙර නොවූ විරූ අන්දමේ ආර්ථික අර්බුදය හමුවේ ජනාධිපති ගෝඨාභය සහ අගමැති රනිල් තම ධුරවලින් ඉල්ලා අස්වන ලෙස බල කරමින් ලක්ෂ සංඛ්යාත ජනතාවක් පසුගිය සෙනසුරාදා විරෝධතා දැක්විය.
මෙම දැඩි විරෝධය හමුවේ ගෝඨාභය රාජපක්ෂ එළඹෙන දහතුන් වන දින සිය ධුරයෙන් ඉල්ලා අස්වන බව කතානායකවරයාට දන්වා ඇති අතර අගමැති රනිල් ප්රකාශ කර ඇත්තේ සර්ව පාක්ෂික ආණ්ඩුවක් පිහිටුවා ගැනීමෙන් පසුව තම ධූරයෙන් ඉල්ලා අස්වන බවය.
ජනාධිපති නිල නිවස, ජනාධිපති ලේකම් කාර්යාලය සහ අරලියගහ මන්දිරය මේ වන විට ජනතාව සතු කර ගෙන ඇති අතර ඔවුන් ඉන් ඉවත්ව යන්නේ ජනාධිපති සහ අගමැති ඉල්ලා අස් වීමෙන් පසුව පමණක් බව දන්වා සිටී.
එපමණක් නොව මේ වන විට ජනාධිපති ලේකම් කාර්යාලය මහජන පුස්තකාල බවට පත් කොට ඇත.