(කවදාක හෝ ඔබව,
පැහැර ගත්තේද කවියෙක්?)
මා කවියෙක් වුණා නම්
මම ඔබව පැහැරගමි
කවි පෙළක ඔබ හොවා
හන්තානේ ඇවිද යමි
ගාලු කොටු පවුරෙ ඉඳ
ඉර බහින හැටි බලමි
බොරළු පාරේ ඇවිද
ගම් පියසෙ සිරි විඳිමි
පිච්ච මල් නැළවෙනා
තාලයේ ඔබ හොවමි
වැහි පොදේ හීතලට
ඔබව කළවම් කරමි
වෙරළේ වැලි කැට ඇතුලෙ
සඟවන්න වෙර දරමි
වීණාවේ තත් වයා
පෙම් ගීය ගයාලමි
කොටින් කියතොත්…
ඔබ මගේ කරගන්න
සියලු දෙය මම කරමි
ඊට පසු …
මල් ගවුම අන්දලා
අම්මාට හැඳින දෙමි!!
ඇත්තටම…
මා කවියෙක් වුණා නම්
මම ඔබව පැහැරගමි!!!
මේ කවිය ලියන්නට මුලාශ්රය සැපයූ Nikki Giovanni ගේ Kidnap කාව්යය ගෞරවයෙන් පහතින් සටහන් කරමි.
Kidnap
-by Nikki Giovanni-
Ever been kidnapped by a poet?
If i were a poet
I’d kidnap you
Put you in my phrases and meter you to jones beach
or maybe coney island
or maybe just to my house
lyric you in lilacs dash you in the rain
Blend into the beach to complement my sea
Play the lyre for you ode you with my love song
Anything to win you
Wrap you in the red Black green
Show you off to mama yeah
If I were a poet i’d kidnap you
මේ කවිය මට දැනෙන්නේ මෙසේයි.
ආදරය හා අයිතිකරගැනීම:
මේ කවියේ මූලික තේමාව වන්නේ කෙනෙකු තුළ හටගන්නා අතිශය ආදරයේ චේතනාව හා ආදරණීයයෙකු සමඟ සම්පූර්ණයෙන්ම එක්වීමට ඇති ආශාවයි. මෙම ආශාව එතරම් දරුණු වන අතර එය සාක්ෂාත් කර ගැනීමට අවැසි වුවහොත් අන්තවාදී ක්රියාමාර්ග වුවද ගත හැකි බව ප්රත්යක්ෂ කරයි.
සාම්ප්රදායෙන් ඔබ්බට ගිය ආදරය:
Giovanni ගේ කවි බොහෝ විට සාම්ප්රදායික නොවන ආදරය සමඟ ගනුදෙනු කරයි. ‘Kidnap’ කවිය එහි උද්දීප්ත රූපක හා චිත්රාත්මක බව තුළින් ආදරය හා සබඳතා පිළිබඳ සමාජයේ සම්මතයන්ට ප්රතිවිරෝධී වෙයි.
Giovanni ගේ රචනා ශෛලිය:
Giovanni ගේ ලිවීම එහි සරල භාෂාව, සෘජු බව හා බලවත් චිත්තවේගීය බලපෑම වෙනුවෙන් ප්රසිද්ධය. මෙය ‘Kidnap’ කවියේ ද පැහැදිලිව පෙනේ.
පෞද්ගලික අත්දැකීම්:
කවිය එක්තරා අර්ථයකින් ගද්ය කෘතියක් වුවද එය Giovanni ගේ අත්දැකීම් හා සබඳතා මත පදනම් වීමට ඉඩක් ඇත. ඒ ඇගේ කවි බොහෝ විට ඇගේම ජීවිතය හා දෘෂ්ටිකෝණ පිළිබිඹු කරන නිසාවෙනි.
කළු ජනවර්ගීය අනන්යතාව:
Giovanni ගේ කෘතිවල ජනවර්ගය හා අනන්යතාව පිළිබඳ තේමා ද ඇතුළත් වේ. ‘Kidnap’ කවිය ද ඇගේම අත්දැකීම් හා අප්රිකානු ඇමරිකානු සමාජය තුළ ඇති වාසි හා අභියෝග පිළිබිඹු කරනවා විය හැකිය.
විග්රහය:
කවියේ අර්ථය විවිධ අයුරින් අර්ථකථනය කළ හැකි වුවද එය ආදරයේ උද්දීප්ත අංගයක්. සමාජ සම්මතයන්ට එරෙහි විවේචනයක් හෝ මානව සබඳතාවල සංකීර්ණත්වය පිළිබඳ පරාවර්තනයක් ලෙස ගත හැකිය.
‘Kidnap’ කවිය ආදරයේ තීව්රතාව, අයිතිකාරත්වයේ ආශාව හා මානව සබඳතාවල සාම්ප්රදායික නොවන ස්වභාවය Giovanni ගේ විශේෂිත කාව්ය ශෛලිය හා පෞද්ගලික අත්දැකීම් තුළින් ගවේෂණය කරන බලවත් හා චිත්තවේගීය කවියකි.
ක්රිෂාන්ත වෑවිට – වෙලිංටන් නුවර
