සුපිරි සෙනසුරාද (Super Saturday) දිනයේ දී නවසීලන්තය පුරා විශාල ජනතාවක් ජංගම එන්නත් මධ්‍යස්ථාන වෙත ගොස් COVID-19 එන්නත ලබා ගත්හ. අපේක්ෂිත ඉලක්කය පසුකර යමින්  ‘සුපර් සෙනසුරාදා’ දින එන්නත් මාත්‍රාවන් 100,000 ඉලක්කයට නවසීලන්ත රජයට ඉතා පහසුවෙන් ළඟා වීමට හැකි විය. එදින සවස 5.30 වන විට රට පුරා මුළු මාත්‍රාවන් 124,669 ක් වු බව සෞඛ්‍ය අමාත්‍යාංශය පැවසුවේ.

නවසීලන්ත වැසියන්ගෙන් 85% ක්ම දැන් සිය පළමු මාත්‍රාව ලබාගෙන ඇති අතර සුපිරි සෙනසුරාද දිනයේදී එය 2% කින් ඉහළ ගොස් ඇත. ජනගහනයෙන් 65% ක් පූර්ණ එන්නත ලබා ගෙන ඇති අතර සුපිරි සෙනසුරාදා දිනයේදී එය 3% ක වර්ධනයක් පෙන්නුම් කරන ලදී.

එදින දහවල් රූපවාහිනියේ එන්නත් කරන උත්සවය අමතමින් අග්‍රාමාත්‍ය ජසින්ඩා ආඩර්න් කියා සිටියේ මාත්‍රා 150,000 ක් දැන් රටේ නව ඉලක්කය වී ඇති බවයි.