හිස හරි අඩක් බූ ගෑ ඔබෙ විජය දැක
විමසුවෙ නැතිද එහි ඇති කාරණය කිම
නෑ සිය පිරිසගේ ඉපැරණි බලය බිඳ
ගුණමකුවෙක් රජ වෙන බව නොදුටුවෙද
බුදුරදු පිරිනිවන් දින මෙහි ආ විජය
කිසිදින ඔබට කීවේ ද මේ ලෙස පුවත
පේවුන යසෝදර දේවිය සිදුහත්ට
සිටිවිට සැනසුමයි ඔබෙ ජීවිතයේ අග
රැජිණගේ සිහිනේ බොඳවී යන විට ඔබට
පරපුර හමුවේ නිති මියැදෙන බව දැකම
ජීවහත්ත දිසාලා තනිකර වනයෙ තුල
හැකිවුනේ ඔබට මවකට ඇති දිරියටද
කුවේණිගේ සාපෙට කොටුකර ඔබව
ගුණමකු විජය පෙරමුන ගෙන හෙලයන්ට
ඔබගේ පුවත සරි කරනට අද අපට
ලියු සෙල්ලිපිය සඟවා ඇත්තේ කොහෙද
බුදු වැඩි බිමක උපදින්නට පින් ඇති ව
සසරේ ගනුදෙනුව පියවන මං තොටක
මුණ නොගැසෙන්න විජයව මතු කෙලෙසකම
පැතුවේද නිවන් යන්නට බුදු හිමි දැකම.
අනූ
Wellington
Facebook Comments Box
