හැරී බලමි වසරක් ගෙවුණු දින
කෝවිඩ් නමැති මරුවා සපැමින
කිසිකෙනෙක් අකමැති ඒ අතීතය
සිහිකරමි එයින් ගතයුතු පාඩම
මෙයයැයි කියාදෙන්නට ලොවට.
ගතින් හමුවීම සිහිනයක් වුණා
“සූම්” එකෙන් අපි හමුවුණා
“සූම්” පරිහරනයට අපි හුරුවුණා
මුළුලොවම විශ්ව ගම්මානයක් වුණා.

ගෙදර ඉඳගෙන වැඩකිරීමට පෙළඹුණා
පාසල්  විශ්ව විද්‍යාල පවා අනුගත වුණා
එදිනෙදා  ඇවතුම් පැවතුම්ද ඒවටා රොක්වුණා 
කිසිකෙනෙක් නෑ බෑ යයි මැසිවිලි නොනැඟුවා. 
වෙනදා නොදන්නා ඒත් අඩි පාරෙදි හමුවුණු
සිනාකැන් පොදක් වත් නොතැවරුණු 
අපේ දෙතොලින් නොදැනීම සිනාමල් මතුවුණි
අසල්වැසි සබඳතා දලු දමා ලියලුනි.

දකින දකින දේ නොමගෙන 
ඇවැසි දෙය පමනක් මිළට ගෙන
හොද පුරුදු වඩ වඩා වඩාගෙන
සිනාසෙන්නට හැකිවුණා වඩා සෙන
එදා බුදුබණ අදට මොනවට ගැලපුණා
කිසිදෙයක් නිච්ච නොවනා බව පසක්වුණා
වැඩි සතුට අසතුටක් බවත් තේරුණා
කෝවිඩ් ඔබ හැමට බුදුදහම පෙන්නුවා.