පා යුග රනින් නිමැවූ
සිතූපැතූ සම්පත් ඉටු කෙරූ
සීතල කුණාටු මට නොදැනෙන්නට සැලසූ
ඉනිමගකි එය සවිමත්.
අඩියෙන් අඩියට සෙමින් ඉහළට
ජීවිතේ විවිධ යුග වල
ඉනිමගේ සවිමත් පිහිට ලැබ
කිසිදිනක නොතැබුවෙමි පා ආ පස්සට.
කෙමෙන් කෙමෙන් ඇදෙද්දි ඉදිරියට
දුටුවෙ මම හරි පුදුම විස්තර
මොනතරම් වෙහෙසක් දැනුනත් පහළට
ඇසුනෙ නැත මැසිවිලි කිසිම දින.
පෙනෙනමුත් මට අලුත් ලෝකය
දනිමි පා තිබි දිනය මිහිමතනි
මා නොවන මේ සසර මග තුළ
මමත් දැන් පාදයකි යුගලක.
Facebook Comments Box
