ජාතියට උපන් රතු ලේ……. !!!
හීන හීයක් තුඩින් පපු කුහර,
වෙත ඇදෙන,
බැට කෑ ජාතියක පණ නල,
සොරා කෑ හිස්වල නම්,
ගලේ කෙටුව සේ….
අපරාජිතව හදවත් කොනේ,
ජාතියට උපන් රතු ලේ,
ගිනිදැල්ල නිවා දැමුවවත්,
අදත් අප හුස්ම ගන්නවා,
රණවිරුවනේ ඔබේ නාමෙන්.
තුවක්කුව හිසලන්න
උරහිස් උස්මහත් කර,
පුතණුවන් දායාද කළ
අම්මාට,
දරුවන් සමග කරට කර
අප්පච්චී එනතුරු මඟ බලපු,
බිරින්දෑට,
හිත ගාව තනි රකින්නට,
නුඹ සිතුවමක් තරමටම,
ඉස්තරම් බව,
කී ඒ පෙම්වතියට,
ආදරය පිදු සෙනෙහස අතර
තාම මග බලනවා
ඇති උන් හිටිතැන්ම,
නමුත්,
දිනන ජාතියක බලතල,
සාර වූ පොළොතල මත,
වැජඹුනා සත්තයි…
ඔබ නමින්
යුග ගණන් ඉදිරියට !!!