මිහින්තලාවට ඉහලින් ගුවන පුරා
පොසොන් සඳ දිලෙයි පතුරා රැස් දහරා
ඇහැළ ගහක් ගානේ කහ පැහැය දරා
දිදුලයි මල් පොකුරු ඒ සිල් සුවඳ උරා
නුඹ කුස දිළෙන සඳ කුමරිගෙ රැස් ලීලා
පැතිරෙයි සාදු නද සමඟින් මුසුවීලා
නාහිමි මිහිඳු වැඩහිටි කඳු මුදුන බලා
පාවෙයි හිම කැරලි මෙන් සුදු පුළුන් වලා
මහමෙවුනා උයනෙ තුරු සෙවනක් ගානේ
ඉද්ද මලින් වැසුවා මෙන් සුදට පෙනේ
සන්සුන් ලෙසින් හිඳිනා සිල් ඇත්තන්නේ
වත දැකුමටයි හිරු සඳු දෙක මතු වෙන්නේ
පඩියෙන් පඩිය නැඟ අරලිය ගස් අතරේ
සැදැහැ සිතින් නැඟෙනා නෙක හඬ අතරේ
මා හැර දමා හිත දිව යයි නිරන්තරේ
අම්මා සමඟ යා හැකි නම් අනුරපුරේ
ඉන්ද්රා දයාමණී කොළඹගේ
ඕක්ලන්ඩ්, නවසීලන්තය
Indra Dayamani Colombage – Auckland