රැළි ගැහුණු සමින්-වැසි කිරි එරී ගිය ළමැදය
එල්ලා වැටුණ කුසයේ-පරණ සීසර් එකක ලකුණුය
පපුවට උඩින් හරියටම-ගැඹුරු නොගැඹුරු කැළලිය
ගිලුණු ඇස්වල තවමත්-එළියට නොආ කඳුළුය.
උදරය පලා බැලු සඳ-එක පමණටම මිශ්රව
දංකුඩ බත් ය, කදුළුය-ළසෝ ගින්නෙන් රත් කළ
වකුගඩු පිරී ඇත්තෙම – නොපෙරී ඉතිරි පිරිපත
දොස් පරොස් පිරිපහදු කළ – අක්මාව ඉදිමී ඇත.
ඇට කැබලි මට සිළුටු මුත් – ඇට මිදුළු හරි ගනකම
තදින් අල්ලා බැලු විට – දැඩිය එහි දරු ස්නේහය
පෙනහලු පිරී සුසුමන් – පිටව යන්නට බැරිව සිර වුණ
තව එක් වරක් පැටවුන් – සිඹිනට නොලත් හන්දම.
අවසනට හදවත – ගෙන බලමි, එය බොහො බර
ගලක් මෙන් දැඩි මුත් පිට – හරිම මෙලෙකයි ඇතුළත
වැඩිය නොපෙනෙන කෙළවරක – පැල්මක් ය සවිවර අහෝ,
මරණයට හේතුව – නිසැකවම, ළය පැලීමය!
මධුෂානි ඩයස්, විශේෂඥ මනෝ වෛද්ය – ශ්රී ලංකාව
Facebook Comments Box
