හැමිල්ටන් ථෙරවාද බෞද්ධ විහාරයෙහි වාර්ෂික වස් ආරාධනය 2025 ජූලි මස 05 වැනි දිනට යෙදී තිබුණි. විහාරවාසී ස්වාමීන්වහන්සේලා විසින් පැමිණි දායක පිරිස පන්සිල් ගැන්වීම හා අනුශාසනා කරනු ලැබීමෙන් පසු විහාරාධිපති පූජ්ය දුනුවිල මෙත්තෛයිය ස්වාමීන් වහන්සේ විහාරස්ථානයේ ආරම්භය හා නවපරිශ්රයට පිවිසීම තෙක් ඉතිහාසය කෙටියෙන් විස්තර කළසේක. අනතුරුව විහාරස්ථානය වසර කිහිපයක් තිස්සේ මහත් උත්සාහයකින් ලබාගන්නට කටයුතු කළ නව ගොඩනැගිල්ලට ‘නගර සභා අනුමැතිය’ ලැබී ඇති බව දායක දායිකාවන් මහත් ප්රබෝධයකට පත් කරවමින් හෙළි කර සිටියහ. මේ කාර්යයයේදී අනුපමේය කාර්ය භාරයක් ඉටු කළ පසුගිය හා පවතින භාරකාර මණ්ඩලය සාමාජිකත්වය ඇතුලු දායක දායිකාවනට උන්වහන්සේ ඉමහත් කෘතඥතාවය පළ කර සිටියහ.
ඉදිරි කාලයේදී නගරසභාවේ කොන්දේසි සපුරා ගනිමින් විහාරස්ථානයට අවශ්යව ඇති ගොඩනැගිල්ල සැදීමේ කාර්යය ගැන සැලසුම් කරගතයුතුව ඇති බව මතක් කර සිටියහ. ගොඩනැගිලි සැලසුම හා ඊට අවශ්ය වන වැය සම්පාදනය කර ගැනීමට අරමුදලක් ආරම්භ කිරීමේ අවශ්යතාවය ද උන්වහන්සේ මතක් කර සිටියහ.
