පුරා දශක හතක් හිරු නොබසින අධිරාජ්‍යයේ කිරුල දැරූ දෙවන එලිසබෙත් රැජින අභාවප්‍රාප්ත වූවාය. අනූහය හැවිරිදි වියේ පසු වූ ඇය ස්කොට්ලන්තයේ ඇයගේ ගිම්හාන නිල නිවහන වූ බැල්මෝරා හිදී සාමදානයෙන් දෙනෙත් පියා ගත්තාය. නවසීලන්තය සහ ලොව පුරා ජනතාව ඇයගේ අභාවය පිළිබඳ ශෝක වන්නේය. ඇයගේ අභාවයෙන් පසු චාල්ස් කුමරු තුන්වන චාල්ස් රජු ලෙස සිහසුනට පත්විය.
1952 වර්ෂයේ දී තම පියා වූ හය වන ජෝර්ජ් රජුගේ අභාවයෙන් පසු සිහසුනට පිවිසෙන ඇය පොදු රාජ්‍ය මණ්ඩලීය ඉතිහාසයේ දිර්ඝතම කාලයක් නායකත්වය දැරූ රැජින විය. එමෙන්ම ඉංග්‍රීසි යටත් විජිතකරණය නිසා අදටත් නවසීලන්තය ඇතුළු ඇතැම් රටවල් රැජිනගේ පාලනය යටතේ පැවතුනාය.
මෙරට අග්‍රාමාත්‍යවරිය වන ජසින්ඩා ආර්ඩන් තම ශෝකය සහ උපහාරය නවසීලන්තය වැසියන් වෙනුවෙන් තුන්වන චාල්ස් රජු වෙත ප්‍රකාශ කර ඇත.
දෙවන එලිසබත් රැජින අවස්ථා දෙකක දී ශ්‍රී ලංකාවේ ද සංචාරය කර ඇත. එනම් 1953 දි සහ 1981 යන වර්ෂවල දී.
දෙවන එලිසබත් රැජින ලෝකවාසීන්ගේ ආදරයට හා ගෞරවයට පාත්‍රවන්නේ සමාජ සුභසාධනය වෙනුවෙන් තම කාලය වැය කළ නිසාය. ඇයගේ සුන්දර සිනාව අපේ මතකයේ සැමදා රැඳෙනු ඇත.
රැජිණගේ අභාවය වෙනුවෙන් දසතින් උපහාර ගලා එන බ්‍රිතාන්‍යය නව යුගයකට ඉදිරියේ දී පිවිසෙනු ඇත.
