අවශ්‍ය ද්‍රව්‍ය :
කිවි ෆෘට් ගෙඩි 10
මිරිස් කුඩූ මේස හැඳි 4
ලුණු කුඩු මේස හැඳි 2
සීනි කෝප 3
සුදුළූණු බික් 10
ඉගුරු කැබැල්ලක්

සාදන ක්‍රමය:
පළමුව කිවි ෆෘට් ගෙඩිවල පොත්ත ඉවත් කර හොඳින් සෝදා රෙදි කැබැල්ලකින් පිස වතුර ඉවත් කර ගන්න. ඉන්පසු ගෙඩි ටික ලොකු කොටු හැඩයට කපා ගන්න.අනතුරුව, මැටි භාජනයක් ලිප මත තබා එයට විනාකිරි මේස හැඳි පහක් දමා ගන්න. එයට සීනි කෝප්ප තුනක් එකතු කර හොඳින් උතුරන විට මිරිස් කුඩූ මේස හැඳි හතර සහ ලුණු කුඩු මේස හැඳි දෙක එකතු කර හොඳින් මිශ්‍ර කරන්න. ඉන්පසු ඉගුරු, සුදුළූණු ටික හොඳින් තලා එයට මිශ්‍ර කර ගන්න. දැන් කපා ගත් කිවි ෆෘට් ටික දමා හොඳින් මිශ්‍ර කරගන්න. මදගින්නේ කිවි ෆෘට් හොඳින් පිසගන්න. කිසි විටෙකත් වතුර නොදැමීමට වග බලා ගන්න. ඔබට කල් තබා ගැනීමට අවශ්‍ය නම් මිශ්‍රණය හොඳින් සිසිල් වු පසු ජීවානුහරණය කළ බෝතල්වල ඇසුරුම් කරන්න.

ඉන්දී – වෙලින්ටන්