මව්බිමේ ඒකීයත්වය උදෙසා දිවි දුන් විරුවා නුබයි. මීට වසර 12 කට පෙර ලක්වැසියන් වෙලා සිටි යුද්ධයේ නපුරු සිහිනය බිඳ දමා සාමයේ සුබ සිහින දකින්නට හැකි වූයේ ඔබගේ ජීවිතය පවා මව්බිමේ නාමයෙන් කැප කළ නිසාවෙනි. මහ ඝන වනන්තරේ අව් වැසි නොතකා කුසට නිසි අහරක් නොලැබ අනේක විධ දුක් දොම්නස් මැදින් සාමයෙන් මිණි කිරුළ ලක් මව් හිස පැළඳු අභීත විරුවා නුබයි. තම ආදරණීයයන් ගේ උණුසුමින් මිදී කටු ලැබේ මැසි මදුරුවන් සමග තම තාරුණ්‍යය ගෙවා දමමින් අනාගත දරුවන්ට යුද බිය නොදැනෙන රටක් තැනූ විරුවා නුබයි. මව්බිම වෙනුවෙන් කකියන ලේ රුදුරු ත්‍රස්තවාදය මැඩලීම සඳහා පූජා කළ උදාරතර විරුවා නුබයි.

වර්තමානය වන විට රණවිරුවන් මවුබිම වෙනුවෙන් කළ කැපකිරීම් අමතක වෙමින් යනවාදෝ යැයි විටෙක සිතේ. තම අතපය මව්බිම වෙනුවෙන්  අහිමිකරගත් රණවිරුවන්ට දක්වන සැලකිල්ල, තම ජීවිතය මව්බිම උදෙසා පරිත්‍යාග විරුවන්ගේ පවුල්වලට දක්වන අවධානය මෙන්ම ගෞරවය කෙමෙන් කෙමෙන් ක්ෂය වී යන්නාක් සේ දැනේ. ලක්වැසියන්ට රණවිරුවන් වැඩි වශයෙන් මතකයට නැගෙන්නේ ව්‍යසනයක් වූ විටදී දැයි ද සිතේ. එසේ වුවද නවසීලන්තවාසීන් අදටත් දෙවන ලෝක යුද්ධයට සහභාගි වූ සොල්දාදුවන් මහත් අභිමානයෙන් සමරයි. බොහෝ නිවෙස්වල පොපි මල් ප්‍රදර්ශනය කර ඔවුන්ට උපහාර දක්වයි. ඔවුන් එසේ කරනු ලබන්නේ යුද්ධයෙන් අත්දැකීමක්වත් නොලබයි.නමුත් ශ්‍රී ලාංකිකයන් වසර තිහක් පුරාවට යුද්ධයේ බිහිසුණු අත්දැකීම්වලට මුහුණ දී ඇත. එම නිසාවෙන් රණවිරුවන්ගේ වටිනාකම තව තවත් අප සිත් තුළට දැනිය යුතුමයි. 

උදාර රණවිරුවන් උදෙසා පිදෙන ශ්‍රීLankaNZ පුවත්පතේ සහ නවසිලන්තයේ වෙසෙන ශ්‍රී ලාංකිකයන්ගේ උපහාරයයි මේ…

Lyrics – Gavithri Yatigammana
Music and Artiste – Dihan Hettiarachchi


_____________________________________________________

You can make a contribution from as little as $1.

Be part of our story, and help us tell yours.