fbpx
10.9 C
New Zealand
Tuesday, May 28, 2024

The Only Sri Lankan Community Newspaper in New Zealand

2023 නිදහස් දිනය-හැමිල්ටන් මිත්‍රත්ව සංගමය

Must read

SrilankaNZ
SrilankaNZhttps://www.srilankanz.co.nz
ශ්‍රී LankaNZ is a free distributed Sri Lankan Community Newspaper that aims to reach a Sri Lankan population of over 18,000 all over New Zealand. The demand for entertainment in literacy media itself gave birth to ශ්‍රී LankaNZ

ළමා ලියෝ  ගවසා මල් වරල පිට
දමා කරට මුතුපොට අත වළලු වට
පෙමා වඩන ලෙස සරසා ඔසරි පොට
පමා නොව රගති කුලු ගෙන සබේ පිට

එකවරම වේදිකාවට ආ සිගිති දැරියෝ පහළොවක් විස්සක් ප්‍රේකෂකයන්ගේ අවධානය ග්‍රහණය කර ගත්හ. ලංකාවේ ජන ගී සාහිත්‍යයේ ඉතා ජනප්‍රිය ඒ කුලු නැටුම් රංගනය බෙහෙවින් සිත් ඇද ගන්නා සුළු වීය. 

රංගනය, අත් පා සුරුවම, නාදයට පා තැබීම වැනි සියල්ලම පරයා වඩාත්ම  සිත් ගත්තේ ඔවුන්ගේ අහිංසක සුරතල් බව ය. ඒ හැමිල්ටන් මිත්‍රත්ව සංගමයේ මූලිකත්වයෙන්, පෙබරවාරි 18 වැනි දින හැමිල්ටන් නිව් ලයිෆ් දේවස්ථාන ශාලාවේ දී පැවැත් වූ ශ්‍රී ලංකාවේ 75 වන නිදහස් දින උත්සවයයි. 

දෙරට ජාතික ගී වාදනයට අනතුරුව සභාපති ශාමාල් ප්‍රනාන්දු  මහතා අමුත්තන්  පිළිගත්තේය. චාරිත්‍රානුගත පොල්තෙල් පහන දැල්වීමෙන් පසු, රාවණ සමය හා විදේශකයනගේ පැමිණීම  සාරාංශ කරන කථනයක් රෝහිත කරුණාරත්න මහතා ඉදිරිපත් කළේ ය. ඊට සමගාමීව  ගුරුතුමියක ලෙස සිටි   ප්‍රියංකා  ජයවර්ධන මහත්මිය ඇසූ පුශ්නවලට  පාසැල් දරු දැරියෝ අපේ ඉතිහාස කතාව ගැන පිළිතුරු දුන්හ. රෝහිත  නැවත සදුන් සමරතුංග හා එක්ව කළ ගුරුන්නාන්සේ ගෝලයා දෙබස මගින් පැරණි හෙළ ගී සම්ප්‍රදායන් ඉදරිපත් කෙරුණි. දූ දරුවෝ කිහිප දෙනෙක්ම අපේ ජාතික වීරයක් ගැන තොරතුරු ඉදිරිපත් කළහ. ශාශිත්  ප්‍රනාන්දු මහතා බෙර වාදනයක් ඉදිරිපත් කළේ ය.මිත්‍රත්ව සංගමයේ සාමාජික සාමාජිකාවෝ ජාතිකාභිමානී ගී පෙළක් ගායනය කළහ. සංගමයේ ලේකම් සදුන්  සමරතුංග මහතාගේ ස්තුති කතාව හා ඉන් පසු පැවැත් වූ තේ පැන් සංග්‍රහයෙන් පසු උත්සවයේ කටයුතු නිම වීය.

මෙම උත්සවය සාර්ථක  කර ගැනිමට නන් අයුරින් සහභාගි වූ පාසල්  හා තරුණ දූ දරුවන්, කමිටු සාමාජික මහත්ම මහත්මීන් හා අනෙකුත් හිතවතුන්ට මිත්‍රත්ව සංගමය ප්‍රශංසා කර සිටී.

Facebook Comments Box

ශ්‍රීLankaNZ සමාජ සත්කාරය අඛණ්ඩවම පාඨකයන් වෙත රැගෙන එන්නට ඔබගේ කාරුණික දායකත්වය අත්‍යාවශ්‍යමය. එය ස්වෙච්ඡා සේවක කණ්ඩායමට මෙන්ම පුවත්පතට ලිපි සපයන සම්පත් දායකයින්ට ද ඉමහත් ධෛර්යයක්වනු ඇත. ශ්‍රී ලන්කන්ස් පුවත්පතේ ඉදිරි ගමනට අත දෙන්න.

BECOME A SUPPORTER
- Advertisement -spot_img

More articles

- Advertisement -spot_img
spot_img

Latest article

Consider a contribution…

ශ්‍රී LankaNZ(ශ්‍රී ලංකන්ස්) is a free distributed Sri Lankan Community Newspaper that aims to reach a Sri Lankan population all over New Zealand. If you would like to appreciate our commitment, please consider a contribution.