මේ රසවත් සිදුවීම වන්නට යෙදුනේ කතරගම ගම් උදාව සමයේදීය. එවකට මා සේවයකළේ හම්බන්තොට දිස්ත්‍රික්කයට අයත් දුෂ්කර පාසලකය. මේ සිදුවීමට දින කීපයකට පෙර අප පාසලේ සියල්ලන් ම කතරගම ගම් උදාව බලන්නට ගියේ එය සිසුනට ඉතා වැදගත් අවස්ථාවක් වන නිසාවෙනි. විශේෂයෙන්ම පහසුකම් අඩු මෙවැනි පෙදෙසක දරුවනට එය බොහෝ විරල අත්දැකීමකි. සුපුරුදු ලෙසින් කාලය ගෙවී පාසැල් වාර විභාගයද අවසන් විය.
අපි ගුරු විවේකයේ දී සිසුන්ගේ පිළිතුරු පත්‍රවල සදහන්වූ රසමුසු තැන් කීපයක් අවුලා ගනිමින් සිටියෙමු. එයින් වඩාත්ම කැපී පෙනුණු ප්‍රශ්නය නම් “ශ්‍රී පාදය පිහිටා ඇත්තේ කොහේද යන්නය.” එක් සිසුවෙක් “ශ්‍රි පාදය පිහිටා ඇත්තේ කතරගමය” යනුවෙන් පිළිතුරු සපයා තිබුණි. ගුරුවරුන්ටද සිනාව නතර කර ගැනීමට නොහැකි විය. සිසුවාගේ පිළිතුර නිවැරදිය. පසුව දැනගත් පරිදි ඔහු මින්පෙර ශ්‍රි පාදයට ගොස් නැත. ඔහු අපත් සමග කතරගමදී ශ්‍රි පාදයේ ආකෘතිය වන්දනා කළ අත්දැකීම ඔහුට එවේලේ සිහිවන්නට ඇත.
By Priyanthi Opatha – Auckland
